Je vous aime, je vous désire,

Je vous vueil doubter* et servir ;                       *craindre

Je suy vostre ou que je soye,

Je ne puis sanz vous avoir joye,

Je puis par vous vivre et morir.

Oncques si fort ne vous amay,

Oncques tant ne vous desiray

De tout entier le cuer de moy.

Vostre lige suy et seray.

Jamaiz autre ne serviray

Je le vous jure par ma foy.

oyal amour me fait sentir,

En penser et en souvenir,

Plus que oncques senti n’avoye,

Car il n’est riens que sanz vous voye

En quoy mon cuer  prengne plaisir.

Je vous aime, je vous désir,

Je vous vueil, doubter et servir,

Je suy vostre où que je soye.

Je ne puis sanz vous avoir joye,

Je puis par vous vivre et morir.

In, Arthur Piaget : « Oton de Grandson, sa vie et ses poésies »

Editions Payot (Lausanne), 1941